伊莉討論區

標題: 趁一田大減價陳豪陳茵媺全家出動執筍貨 [打印本頁]

作者: rousseau73 時間: 2016-11-30 12:08 AM 標題: 趁一田大減價陳豪陳茵媺全家出動執筍貨

陳豪一向好錫老婆同仔女，日前老婆陳茵媺因為鼻敏感搞到對眼紅曬，陳豪就緊張大師上身，帶埋老婆漏夜睇急症。不過，陳豪事後出活動都直認老婆只係普通病痛，問題唔大，只係自己太過擔心啫！

日前陳豪同陳茵媺一家五口連外傭，趁住一田大減價出動去掃貨，讀者譚小姐透過「爆相爆片」報料，指當日下晝約4點，見到陳豪夫婦帶埋三個寶貝仔女一齊去大埔一田購物，陳茵媺專攻BB衫同BB用品，由於係一田購物優惠日，周圍都有唔少街坊，個個見到陳豪夫婦都打雀咁眼望實佢哋。不過陳太就冇理周圍目光，「衝鋒陷陣」捐窿捐罅四圍搵筍貨。譚小姐話：「佢哋都係住大埔區，有時都會見佢哋，多數戴口罩，但今次就冇，佢哋見到人叫佢都好nice咁笑。」
當日陳茵媺著上黑色貼身衫，薄施脂粉，個樣都好精神，睇嚟之前嘅小病痛已經好番好多。雖然花多眼亂，但佢都金睛火眼心無雜念咁揀選心頭好。見老婆揀咗好耐都未揀完，陳豪就先同外傭姐姐，一個抱住大仔陳梓燁（Aiden），一個抱住二仔陳浩鋒（Nathan)去停車場，之後陳豪再折返到特賣場，原來係幫茵媺抱埋細女Camilla先上車，等老婆可以專心購物。約十幾分鐘後，茵媺終於買完曬嘢去停車場會合老公。譚小姐忍唔住大讚：「佢哋真係好合拍，爸爸媽媽分工合作，好sweet。」

心得：陳豪陳茵媺也要去百貨公司買減價貨嗎？實在難以想像啊！

[attach]116742868[/attach][attach]116742869[/attach][attach]116742871[/attach][attach]116742874[/attach][attach]116742876[/attach][attach]116742878[/attach][attach]116742880[/attach][attach]116742881[/attach][attach]116742883[/attach][attach]116742885[/attach][attach]116742886[/attach][attach]116742889[/attach]

歡迎光臨伊莉討論區 (http://222.eyny.com/)